الكشري المصري بايد لبنانية
- 0.5 كيلو معكرونة مشكلة سباغيتي وصغيرة
- كباية رز وشوية شعيرية
- بصلتين كبار
- 100 غرام عدس اسود
- 250 غرام حمص منقوع قبلها بليلة
- للصلصة : 5 حصوص ثوم وربع كباية خل ونص كيلو بندورة ومعلقتين صلصة
- للدقة:حامضتين كبار وربع كباية خل و حصين ثوم صغار
- ملح
- بهارات
- فلفل اسود
- كمون
- 1 نسلق العدس والحمص والمعكرونة كل واحد لوحده لحتى يستوي
- 2 الصلصة:ندق الثوم ونفرم البندورة بالميكسر. بعدين نحط الثوم بشوية زيت على النار لحتى يصير يحمروا.
- 3 بنجيب الخل وبنحطن على الثوم ونغطي الطنجرة بسرعة وبنخليها دقيقتين مغطاية بعدين بنفتحها وبنحط البندور من الميكسر ونصفيها على الطنجرة دغري.
- 4 نحط الملح والفلفل والكمون والبهارات ومعلقتين الصلصة ونغطيها ونتركها تغلي لحتى تتقل ونحش انه على وجها نقط زيت.
- 5 الدقة:بنحط الثوم على النار بشوية زيت لحتى يحمر وبعدين بنزود الخل ونغطيها دقيقتين ونفتح الغطا نحط عصير الحامض ونحط ملح وكمون وفلفل اسود ونص كباية مي ونتركها تغلي 3 دقايق
- 6 بنعمل شوية رز بالشعيرية وممكن ازا عنا بايت من قبل بيوم عادي بنسخنه وبنستعمله
- 7 نعمل البصل شرحات ونقلين متل ما بنعملن للمجدرة
- 8 هلأ بنحط المعكرونة والرز على بعضن وبنحركن ونحطن بصحن
- 9 نزينهم بالبصل والحمص والعدس ولنحط صحن صلصة وصحن دقة
-
10
صحتين
يجب عليك تسجيل الدخول لتتمكن من التعليق وإضافة تجربتك لهذه الوصفه
